Bugun,

  • USD 11095.31
  • RUB 173.84
  • EUR 10772.44

Toshkent shahrida 94-sonli yo‘nalish avtobusi haydovchisi qo‘pol qoidabuzarlik sodir etgani uchun ishdan olindi, deya xabar bermoqda “Toshshahartransxizmat” matbuot xizmati.

Foto: “Daryo”

Foto: “Daryo”

Ma’lum qilinishicha, 2021-yilning 15-iyul kuni soat 18:30 da 94-sonli yo‘nalishda harakatlanuvchi haydovchi Chilonzor savdo markazidan “Mirzo Ulug‘bek” metro bekati bo‘ylab harakatlanayotgan vaqtida uyali aloqa vositasi(telefon)dan foydalanib, yo‘lovchilar hayotini xavf ostiga qo‘yib ketayotgani aks etgan video yo‘lovchi tomonidan suratga olinib, ijtimoiy tarmoqlarga joylashtirilgan.

Mazkur holat yuzasidan “Toshshahartransxizmat” aksiyadorlik jamiyatining “Yo‘lovchi transportida harakat xavfsizligini nazorat etish boshqarmasi” xodimlari tomonidan tezkor surishtiruv ishlari o‘tkazilganda, mazkur avtobus “7-avtobus saroyi” MCHJ tasarrufidagi davlat raqami 01 132 YEA bo‘lgan 94-sonli yo‘nalishda harakatlanuvchi MAN rusumli avtobus haydovchisi A.A. ekani aniqlandi.

Ushbu qoidabuzarlikka nisbatan Toshkent shahar Ichki ishlar bosh boshqarmasi Yo‘l harakati xavfsizligi boshqarmasi inspektori tomonidan ma’muriy bayonnoma rasmiylashtirilib, qoidani buzgan avtobus haydovchisi jarimaga tortildi hamda “7-avtobus saroyi” tomonidan qat’iy chora ko‘rilib, yo‘l harakati qoidalarini qo‘pol tarzda buzgan haydovchi A.A. bilan tuzilgan mehnat shartnomasi bekor qilindi.

Bundan avval Qoraqalpog‘istonda avtobus va yuk mashinasi ishtirokida sodir bo‘lgan YTH oqibatida ikki kishi halok bo‘lgani, Toshkentda o‘tgan 5 oyda avtobuslar ishtirokida 35 ta YTH sodir etilgani hamda Toshkentda avtobus bekatda turgan ikki piyodani urib yuborgani haqida xabar berilgandi.

Izoh
Asosiy yangiliklar
Mahalliy
Oʻzbekistonda yashil energetika davri boshlanganiga uch yil boʻldi. Nimalar oʻzgardi?
Mahalliy
Fotoreportaj: Prezident tashrifiga tayyorgarlik ko‘rayotgan Namangan
Sport
Lionel Messi Krishtianu Ronalduning rekordini yangiladi