Фарғона туманида 2 нафар фуқаро ис газидан заҳарланиши оқибатида вафот этди, дея хабар қилмоқда вилоят ИИБ ахборот хизмати.
Маълум қилинишича, 17 ноябрь кунидан 18 ноябрь кунига ўтар кечаси Фарғона тумани, «Гулшан» МФЙ, Само кўчасидаги уйларнинг бирида истиқомат қилувчи 62 ёшли Х.А (эркак) ва бирга яшовчи 31 ёшли ўғли Х.Б яшаш хонадонида ис газидан заҳарланиш оқибатида ҳодиса жойида вафот этган.
Ҳозирда юқоридаги ҳолат юзасидан тергов тезкор гуруҳи ҳодиса жойида ишламоқда, воқеа тафсилоти юзасидан қўшимча равишда маълумот берилиши маълум қилинган.
Бундан аввал Тошкент вилоятида бир оиланинг уч аъзоси ис газидан заҳарлангани, Ургутда аёл ва унинг икки нафар вояга етмаган фарзанди ис газидан заҳарланиб, вафот этгани ҳамда Гулистонда Миллий гвардия ходимлари уч нафар болани ис газидан заҳарланишдан қутқариб қолгани ҳақида хабар берилганди.
Изоҳ (0)