Toshkent shahri Yashnobod tumanidagi “Hosilot” podstansiyasida yong‘in kelib chiqdi, deya xabar qilmoqda tuman hokimligi matbuot xizmati.
Ma’lum qilinishicha, 16-noyabr taxminan soat 18:00 larda “Hosilot” podstansiyasidagi kabel kanaliga katta yuklama bo‘lishi natijasida 240 millimetrlik kabel yongan va tumanning Yangiobod, Tuzel, Asalobod, Qorasu, Mag‘zuniy, Chigil, Alimkent, Aviasozlar, Muxtor Ashrafiy va Go‘zal mavzelaridagi xonadonlar elektr energiyasi ta’minotidan uzilgan.
“Hozirda yuzaga kelgan avariyani bartaraf etish ishlari boshlab yuborilgan va taxminan 3-4 soatlarda elektr energiyasi qayta tiklanadi”, — deyilgan tuman hokimligining 18:43 da bergan xabarida.
Fuqarolardan keltirilgan noqulayliklar uchun uzr so‘ralgan.
Energetika vazirligi xabariga ko‘ra, avariyaga qarshi maxsus brigada tomonidan ushbu nosozlikni bartaraf etish ishlari olib borilgan.
“Hududda elektr energiyasi ta’minoti bosqichma-bosqich tiklanmoqda”, – deyiladi vazirlik xabarida.
Mavzuga doir:
- “Sudga berish kerak”. Ruslanbek Davletov elektr energiyadagi uzilishlar sabab tadbirkorlar zarar ko‘rayotgani haqida
- O‘zbekistonda kuz-qish mavsumiga tayyorgarlik uchun 100 mlrd so‘m ajratilgani ma’lum bo‘ldi
- Nosozlik tufayli Yunusobod tumani to‘liq, Olmazor va Shayxontohur tumanlari esa qisman issiq suv va issiqlik ta’minotidan uzildi
Izoh (0)