O‘zbekistonda 2021-yil boshidan buyon temiryo‘llar bilan bog‘liq 7 ta baxtsiz hodisa ro‘y bergan. Bu haqda Ichki ishlar vazirligi axborot xizmati YouTube sahifasida ma’lum qildi.
Ma’lum qilinishicha, 2021-yil boshidan buyon temiryo‘llarda 7 ta baxtsiz hodisa qayd etilgan bo‘lib, shulardan 2 tasi o‘z joniga qasd qilish bilan bog‘liq. Shuningdek, temiryo‘llar bilan bog‘liq baxtsiz hodisalarning 90 foiziga, asosan, fuqarolarning e’tiborsizligi sabab bo‘lgan.
Xususan, Toshkent viloyati Qibray tumanida 2021-yil 18-oktabr kuni tumanning 1-sonli maktabida tahsil oluvchi 5-6 nafar 6-sinf o‘quvchisi boshqa sinfdoshini darsga chaqirish maqsadida uning uyiga kelgan.
Shundan keyin o‘quvchilar ko‘chaning yonidan o‘tgan temiryo‘ldan o‘tmoqchi bo‘lgan. Temiryo‘ldan yo‘lovchi tashuvchi elektropoyezd kelayotganini ko‘rgan 1-2 nafar o‘quvchi orqaga qaytgan. Ammo ularning orasida bo‘lgan 12 yoshli o‘quvchi o‘tib ketaman deb o‘ylab, temiryo‘lga chiqqan. Oqibatda elektropoyezd uni urib ketgan.
Izoh (0)