Muhammadqodir Abdullayev (1999-yil)
Muhammadqodir Abdullayev AQShning Hyuston shtatida bo‘lib o‘tgan musobaqada -63,5 kg vazn toifasida ishtirok etgan.
15-noyab kuni 48 yoshni qarshi olgan Abdullayev 1999-yilgi turnirning 1/16 finalida rossiyalik Aydin Gasanovni mag‘lub etadi, 1/8 finalda amerikalik Rikardo Uilyams, chorak finalda belaruslik Sergey Bikovskiy ustidan g‘alaba qozonadi. Muhammadqodir yarim finalda chexiyalik Lukash Konechnini 12:2 hisobida mag‘lub etadi. Finalda esa fransiyalik Villi Bleyn 11:6 hisobida taslim etiladi. Shu tariqa Muhammadqodir O‘zbekiston uchun rasmiy birinchi oltin medalni taqdim etgan.O‘tkirbek Haydarov (1999)
Ruslan Chagayev (2001)
1997-yilda Vengriyaning Budapesht shahri mezbonlik qilgan Jahon chempionatida Ruslan Chagayev O‘zbekiston uchun ilk oltin medalni taqdim etgan. Chagayev -91 kg vazn toifasida ishtirok etgan va dastlabki jangda belaruslik Sergey Dichkov ustidan g‘alaba qozongan. Chorak finalda italiyalik Jiakobbe Fragomeni, yarim finalda germaniyalik Maik Hankeni taslim etib, finalga chiqqan. Final bosqichida Chagayev Kuba vakili Feliks Savonni 14:4 hisobida mag‘lub etib, oltin medalga ega chiqqan.
Ammo AIBA Ruslanni oltin medaldan mahrum etadi. Chunki sportchi Jahon chempionatiga qadar professional boksda ikkita jang o‘tkazgan edi. Keyinchalik ushbu janglar ko‘rgazmali ekanligi isbotlangach, Ruslanning havaskor boksdagi faoliyati tiklangan, ammo medal qaytarib berilmagan.
2001-yil Shimoliy Irlandiyaning Belfast shahrida o‘tkazilgan Jahon chempionatida ham Ruslan Chagayev oltin medal sohibiga aylanadi. Chagayev qozog‘istonlik Rustam Rugebayev, vengriyalik Kurtuzsa Skaba va germaniyalik Vitaliy But ustidan g‘alaba qozonib, finalga chiqadi. Finaldagi raqibi ukrainalik Aleksey Mazikinni taslim etib, chempionga aylangan.Abbos Atoyev (2007, 2009)
Abbos Atoyev 2007-yilda AQShning Chikago shtatida bo‘lib o‘tgan Jahon chempionatida -81 kg vazn toifasida ishtirok etdi. Atoyev finalga qadar ruminiyalik Konstantin Bejenaru, fransiyalik Mamadu Diambang, xorvatiyalik Mario Sivolixa va qozog‘istonlik Yerkebulan Shinaliyevlarni mag‘lub etgan. Finalda Abbos Atoyev rossiyalik Artur Beterbiyevni 20:17 hisobida mag‘lubiyatga uchratib, oltin medalga ega chiqqan.
2009-yilda Italiyaning Milan shahrida bo‘lib o‘tgan musobaqada Abbos -75 kg vazn toifasida ishtirok etdi. Ushbu musobaqada Atoyev 1/16 finalda yaponiyalik Kentaro Hayashini mag‘lub etadi. 1/8 finalda braziliyalik Yamaguchi Falkao taslim etiladi. Chorak finalda germaniyalik Konstantin Buga ustidan g‘alaba qozonadi. Yarim finalda hindistonlik Vijindr Singh 7:3 hisobida mag‘lub etiladi. Finalda Abbos Atoyev armanistonlik Andranik Hakobyan bilan jang qildi va 9:0 hisobida g‘alaba qozondi. Shu tariqa Atoyev ketma-ket ikkinchi marta oltin medalni qo‘lga kiritdi.Shahram G‘iyosov (2017)
Shahram G‘iyosov 2017-yil Germaniyaning Gamburg shahrida o‘tkazilgan Jahon chempionatida -69 kg vazn toifasida ishtirok etgan.
1/8 finalda ukrainalik Yevgeniy Barabanovni 5:0 hisobida taslim etgan. Chorak finalda esa angliyalik Pet Makkormak ham 5:0 hisobida mag‘lub etiladi. Yarim finalda Shahram qozog‘istonlik Ablayxan Jusupov bilan to‘qnash kelgan va 4:1 hisobida g‘alaba qozongan. Finalda G‘iyosov kubalik Roniel Iglesiasga hech qanday imkon qoldirmagan va oltin medalni qo‘lga kiritgan.Shahobiddin Zoirov (2019)
2019-yil Rossiyaning Yekaterinburg shahrida bo‘lib o‘tgan boks bo‘yicha Jahon chempionatida Shahobiddin Zoirov -52 kg vazn toifasida ishtirok etgan.
O‘zbekistonlik bokschi dastlabki jangini turkmanistonlik Ixlos Gulijanovga qarshi o‘tkazgan. Zoirov barcha hakamlar qaroriga ko‘ra g‘olib bo‘lgan. Ikkinchi jangda Shahobiddinga Dominikan respublikasi vakili Rodrigo Martega raqiblik qildi. Ushbu jangda ham Zoirov katta ustunlik bilan g‘alaba qozongan. Nimchorak finalda Zoirov qirg‘izistonlik Azat Usenaliyevni mag‘lub etib, chorak final ishtirokchisiga aylangan. Chorak finalda bolgariyalik Daniel Asenov ustidan g‘alaba qozongan Shahobiddin yarim finalda fransiyalik Bilal Bennamani mag‘lubiyatga uchratgan.
Final bosqichida Shahobiddin Zoirov Hindiston vakili Amit Pangal ustidan 5:0 hisobida g‘alaba qozonib, O‘zbekiston uchun 7-oltin medalni qo‘lga kiritgan.Mirazizbek Mirzaxalilov (2019)
Mirazizbek Mirzaxalilov 2019-yilgi Jahon chempionatida -57 kg vazn toifasida ishtirok etgan.
Mirzaxalilov 1/16 final bosqichida braziliyalik Duglas de Andrade ustidan 5:0 hisobida g‘alaba qozongan. Nimchorak finalda esa marokashlik Muhammad Hamud 4:1 hisobida taslim etilgan. Chorak finalda qozog‘istonlik Kayrat Eraliyev, yarim finalda mo‘g‘ulistonlik Erdenebatin Sendbaatarni mag‘lub etgan Mirazizbek finalda kubalik Lazaro Alvaresga qarshi jang qiladi. Hal qiluvchi jangda Mirzaxalilov raqibini yengib, oltin medalga ega chiqqandi.Bahodir Jalolov (2019)
+91 kg vazn toifasi vakili Bahodir Jalolov Yekaterinburgdagi dastlabki jangida ukrainalik Sonte Rogavaga qarshi ringga ko‘tarilib, raqibi ustidan g‘alabaga erishgan. Jalolovga chorak finalda amerikalik Richard Torres to‘qnash kelgan. Bahodir 1-raunddayoq raqibini chuqur nokaut holatiga tushirib yarim final yo‘llanmasini qo‘lga kiritgan edi. Yarim finalda Bahodir rossiyalik Maksim Babanin ustidan 5:0 hisobida g‘alaba qozongan. Finalda esa Jalolov azaliy raqibi qozog‘istonlik Kamshibek Konkabayevga qarshi ringga chiqib, uchala raundda ham raqibidan ustun kelgan va g‘alabaga erishgan.
O‘zbekiston delegatsiyasi o‘zi qatnashgan o‘n beshta Jahon chempionatida jami 43 ta medalga ega chiqqan — 9 ta oltin, 15 ta kumush va 19 ta bronza.
Izoh (0)