Rossiyaning Yekaterinburg shahrida boks bo‘yicha Jahon chempionati davom etmoqda.

Foto: Instagram

12-sentabr, payshanba kuni -52 kg vazn toifasida harakat qilayotgan o‘zbekistonlik bokschi Shahobiddin Zoirov birinchi jangini turkmanistonlik Ixlos Gulijanovga qarshi o‘tkazdi. Rio—2016 Olimpiadasi chempioni raqibini katta ustunlik (5:0) bilan mag‘lubiyatga uchratdi.

Zoirovga keyingi bosqichda Dominikan Respublikasi vakili raqiblik qiladi.

Bugun, shuningdek, -63 kg vazn toifasida ishtirok etayotgan Elnur Abduraimov jazoirlik raqibiga qarshi ringga ko‘tariladi.

Yanada ko‘proq boks va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!