O‘zbekiston milliy terma jamoasi 15-noyabr kuni Gori shahrida Gruziya terma jamoasiga qarshi o‘rtoqlik o‘yinida ishtirok etadi. Uchrashuv Toshkent vaqti bilan 19:00 da start oladi.
O‘zbekiston
Vadim Abramov qo‘l ostidagi jamoa JCh—2022 saralashining ikkinchi bosqichida muvaffaqiyatsizlikka uchragach, jamoa boshqaruvida o‘zgarish kuzatildi. Abramov o‘rnini Srechko Katanes egalladi. “Oq bo‘rilar” sloveniyalik mutaxassis boshchiligida uchta o‘rtoqlik o‘yini o‘tkazishga ulgurdi.Sentabr oyida Shvetsiyaga qarshi o‘yinda (1:2) mag‘lubiyat qabul qilib olindi. Oktabr oyida Malayziya terma jamoasi 5:1 hisobida taslim etildi. O‘zbekiston bir necha kundan keyin Iordaniya bilan o‘rtoqlik o‘yini o‘tkazib, kutilmaganda 0:3 hisobida taslim bo‘ldi.
Katanes Gruziya yig‘iniga nomdor futbolchilar qatori ko‘plab yangi nomlarni jalb qilgan. Noyabr oyidagi yig‘inga “Nasaf” futbolchilar chaqirilmadi. Jasur Yaxshiboyev, Hojiakbar Alijonov, Doston Tursunov jarohat sabab, Shahboz Umarov koronavirus tufayli, Rustam Ashurmatov esa viza bilan bog‘liq muammo evaziga Gruziyaga bora olmagan.
Gruziya
Gruziya terma jamoasi JCh—2022 saralashida Yevropa mintaqasining B guruhida ishtirok etdi. Jamoa 7 ochko to‘plab, beshta jamoa ichida 4-o‘rinni egalladi.Qayd etish kerak, ayni vaqtda Villi Sanyol shogirdlari ko‘tarinki kayfiyatda. Oktabrda jamoa Kosovani mag‘lub etib (1:2), besh o‘yindan iborat mag‘lubiyatli seriyasiga yakun yasagan bo‘lsa, 11-noyabr kuni Shvetsiya ustidan sensatsion g‘alabani (2:0) qo‘lga kiritdi. So‘nggi uchrashuvda “Rubin” yulduzi Xvicha Kvaratsxeliya dublga erishdi.
Bu ikkinchi to‘qnashuv bo‘ladi
Jamoalar shu vaqtga qadar faqat bir marta o‘zaro to‘qnash kelgan. 2017-yilning yanvarida bo‘lib o‘tgan o‘rtoqlik o‘yinida 2:2 hisobi qayd etilgan. O‘zbekiston safida Eldor Shomurodov dubl qayd etgandi.
Villi Sanyol O‘zbekistonga qarshi o‘yinda ikkinchi tarkibni tushirish niyati yo‘qligini bildirdi. Katanes ham katta ehtimol bilan ilk daqiqalardan yetakchi o‘yinchilarini maydonga tashlaydi.
O‘yinoldi fikrlari
Shubhasiz, ketma-ket uchinchi g‘alaba bilan yilni yakunlash niyatidamiz. Jamoa yana bir bor ruhiyat va intizom namoyish qilishini xohlayman. O‘zbekistonga qarshi o‘yindan keyin biz to‘rt oy yig‘ilmaymiz. Shu bois ushbu uchrashuvda qoniqarli natija qayd etish lozim.Villi Sanyol, Gruziya bosh murabbiyi
Gruziya terma jamoa Yevropa harakat qiladi. Raqib jamoa kuchli va yaxshi o‘yinchilarga ega. Bu biz uchun foydali o‘yin bo‘ladi. Terma jamoada kayfiyat yaxshi, yigitlar bilan ancha chiqishib oldik.Eldor Shomurodov, O‘zbekiston terma jamoasi hujumchisi
Izoh (0)