Qozog‘istonda 14-noyabr, yakshanba kuni Octagon 25 musobaqasi bo‘lib o‘tdi.
Musobaqada o‘zbekistonlik MMA jangchisi Mashrabjon Ro‘ziboyev (13-3-1) ukrainalik Konstantin Linnik (20-21) bilan to‘qnash keldi. Ro‘ziboyev raqibi 40 soniya ichida mag‘lubiyatga uchratdi. Qator zarbalardan keyin hakam texnik nokautni qayd etdi.
Jang videosini bu yerda tomosha qilish mumkin — havola.
Shu tariqa Mashrabjon MMA’dagi 13-g‘alabasini qo‘lga kiritdi. Sportchi bundan avvalgi jangini sentabr oyida Open FC musobaqasida o‘tkazib, unda rossiyalik Aleksandr Jarkovni 1-raundning 18-soniyasidayoq nokautga uchratgandi.
Musobaqada yana bir qator O‘zbekiston vakillari ishtirok etdi. Abdulaziz Sotvoldiyev (3-2) qozog‘istonlik aktyor va MMA jangchisi Yerkebulan Toktarni (2-1) birinchi raunddayoq bo‘g‘ish usuli bilan taslim etdi. Diyorjon Ro‘ziboyev (2-0) esa debyutant Askar Jaksilikovni birinchi raunddayoq usul qo‘llab, mag‘lubiyatga uchratdi.
Izoh (0)