Қозоғистонда 14 ноябрь, якшанба куни Octagon 25 мусобақаси бўлиб ўтди.
Мусобақада ўзбекистонлик MMA жангчиси Машрабжон Рўзибоев (13-3-1) украиналик Константин Линник (20-21) билан тўқнаш келди. Рўзибоев рақиби 40 сония ичида мағлубиятга учратди. Қатор зарбалардан кейин ҳакам техник нокаутни қайд этди.
Жанг видеосини бу ерда томоша қилиш мумкин — ҳавола.
Шу тариқа Машрабжон MMA’даги 13-ғалабасини қўлга киритди. Спортчи бундан аввалги жангини сентябрь ойида Open FC мусобақасида ўтказиб, унда россиялик Александр Жарковни 1-раунднинг 18-сониясидаёқ нокаутга учратганди.
Мусобақада яна бир қатор Ўзбекистон вакиллари иштирок этди. Абдулазиз Сотволдиев (3-2) қозоғистонлик актёр ва MMA жангчиси Еркебулан Токтарни (2-1) биринчи раунддаёқ бўғиш усули билан таслим этди. Диёржон Рўзибоев (2-0) эса дебютант Аскар Жаксиликовни биринчи раунддаёқ усул қўллаб, мағлубиятга учратди.
Изоҳ (0)