Futbol bo‘yicha JCh—2022 saralashining Yevropa mintaqasidagi bir qator o‘yinlari 14-noyabr, yakshanba kuni o‘tkazildi.
Xorvatiya terma jamoasi o‘z uyida Rossiyani qabul qildi. Noqulay ob-havo sharoitida o‘tgan bahsda maydon egalari katta ustunlikka ega bo‘ldi. Biroq hisob o‘yinning so‘nggi daqiqalariga kelib ochildi. Rossiyaliklar himoyachisi Fyodor Kudryashov qanotdan uzatib berilgan to‘pni o‘z darvozasiga joylab qo‘ydi va bu gol o‘yin taqdirini hal qildi.
Shu tariqa ushbu g‘alabadan keyin Xorvatiya ochkolarini 23 taga yetkazib olgan holda H guruhini birinchi o‘rinda yakunladi va Qatarda o‘tadigan mundialga to‘g‘ridan to‘g‘ri yo‘llanmani qo‘lga kiritdi. Rossiya esa 22 ochko bilan ikkinchi pog‘onada qoldi. Valeriy Karpin jamoasi o‘tish o‘yinlarida ishtirok etadi.
JCh—2022 saralashi
10-tur bahslari
14-noyabr, yakshanba
Xorvatiya – Rossiya 1:0
Gol: 1:0 – 81, avtogol Kudryashov.Xorvatiya – Grbich, Lovren, Yuranovich (Brekalo, 75), Gvardiol, Sosa, Brozovich, Modrich, Perishich, Pashalich (Livaya, 75), Vlashich (Petkovich, 58), Kramarich (Stanishich, 86).
Rossiya – Safonov, Kudryashov, Jikiya, Diveyev, Karavayev, Fomin (Glebov, 80), Barinov, Bakayev (Mostovoy, 78), Golovin (Chistyakov, 57), Ionov (Zobnin, 57), Smolov (Zabolotniy, 57).
Ogohlantirishlar: Golovin (51), Smolov (55), Livaya (89).
Izoh (0)