“Forsaj” yulduzi Vin Dizel filmning sobiq aktyori Dueyn Jonsonni franshizaning yakuniy qismida rol o‘ynashga taklif qildi. U o‘z murojaatini Instagram’da e’lon qildi, deb yozadi Esquire.
Ma’lum bo‘lishicha, 2016-yilda “Forsaj” filmining sakkizinchi qismini suratga olish chog‘ida aktyorlar qattiq urishib qolgan, buning sababini keyinchalik ular ijodiy kelishmovchilik deb atashgan. O‘shandan beri har ikkala aktyor ham ommaviy axborot vositalari orqali bir-biriga qarshi bo‘lgan. “Forsaj” filmining 5–8-qismlarida va “Xobbs va Shou” spin-offida maxsus agent Xobbs rolini o‘ynagan Jonson franshizaning to‘qqizinchi qismida Dizel bilan bir kadrda paydo bo‘lmadi.
Instagram’da Dizel sobiq hamkasbini o‘zining ukasi deb atadi va farzandlari uchun u doim Dueyn amaki bo‘lib qolishini ma’lum qildi. Dizelning so‘zlariga ko‘ra, u ko‘p yillar oldin marhum do‘sti – “Forsaj” yulduzi Pol Uokerga franshizaning final qismini eng ajoyib tarzda suratga olish uchun bergan va’dasini bajarmoqchi.
“Sen unda ishtirok etishing kerak. Franshizani tark etma, bu rol sen uchun juda muhim. Hech kim sen kabi Xobbsni o‘ynay olmaydi. Umid qilamanki, muvaffaqiyatsizlikka uchramaysan va maqsadingni amalga oshirasan”, — deb yozadi Dizel.
Uning postiga allaqachon 1,2 milliondan ortiq layk bosilgan, biroq Jonson haligacha bu taklifga izoh bermagan. Lekin 2021-yil iyul oyida Xobbsning ijrochisi “Forsaj”ga qaytmasligini aytib o‘tgan edi.
“Forsaj” 10 filmining premyerasi 2023-yil aprel oyida bo‘lib o‘tadi. Bu franshizaning oxirgi qismi hisoblanadi.
Izoh (0)