Tikuvchilik sohasida yetarli tajriba va ko‘nikmalarga ega bo‘lgan ayollar Yaponiyadagi mavjud bo‘sh ish o‘rinlariga ishga taklif etiladi. Bu haqda Tashqi mehnat migratsiyasi agentligi xabar berdi.
Ma’lum qilinishicha, ish haqi 1 oylik tayyorgarlik kursi davrida 60 ming iyena (525 AQSh dollari), 2-oydan 122 091 iyena (1068 dollar), barcha soliqlar va uy-joy to‘lovlarini hisobga olgan holda, to‘lanadi.
Nomzodlarga qo‘yiladigan talablar:
- 18-35 yoshda bo‘lishi;
- 6 oylik ish tajribasiga ega bo‘lishi;
- zararli odatlarga ega bo‘lmasligi;
- yapon tilini bazaviy darajada bilishi;
- ish vaqti: 5 kun 8 soatdan.
Eslatib o‘tamiz, 2020-yilning sentabrida AOKAda o‘tkazilgan brifingda Tashqi mehnat migratsiyasi agentligi boshqarma boshlig‘i Azim Ahmadov o‘zbekistonlik ayollar ko‘proq qaysi davlatlarga ishlash uchun ketayotgani to‘g‘risida ma’lumot bergandi. O‘shanda xorijda ishlash istagidagi o‘zbekistonlik erkaklarning aksariyati MDH mamlakatlariga, xotin-qizlar esa Turkiya va Birlashgan Arab Amirliklariga yo‘l olayotgani ma’lum qilingan edi.
Izoh (0)