Тикувчилик соҳасида етарли тажриба ва кўникмаларга эга бўлган аёллар Япониядаги мавжуд бўш иш ўринларига ишга таклиф этилади. Бу ҳақда Ташқи меҳнат миграцияси агентлиги хабар берди.
Маълум қилинишича, иш ҳақи 1 ойлик тайёргарлик курси даврида 60 минг иена (525 АҚШ доллари), 2-ойдан 122 091 иена (1068 доллар), барча солиқлар ва уй-жой тўловларини ҳисобга олган ҳолда, тўланади.
Номзодларга қўйиладиган талаблар:
- 18-35 ёшда бўлиши;
- 6 ойлик иш тажрибасига эга бўлиши;
- зарарли одатларга эга бўлмаслиги;
- япон тилини базавий даражада билиши;
- иш вақти: 5 кун 8 соатдан.
Эслатиб ўтамиз, 2020 йилнинг сентябрида АОКАда ўтказилган брифингда Ташқи меҳнат миграцияси агентлиги бошқарма бошлиғи Азим Аҳмадов ўзбекистонлик аёллар кўпроқ қайси давлатларга ишлаш учун кетаётгани тўғрисида маълумот берганди. Ўшанда хорижда ишлаш истагидаги ўзбекистонлик эркакларнинг аксарияти МДҲ мамлакатларига, хотин-қизлар эса Туркия ва Бирлашган Араб Амирликларига йўл олаётгани маълум қилинган эди.
Изоҳ (0)