Checheniston rahbari Ramzan Qodirovning o‘g‘li Eli Qodirov “Afsonalar vaqti” musobaqasi doirasida havaskor boks qoidalari bo‘yicha ko‘rgazmali jang o‘tkazdi.
Bellashuvning uchinchi raundida hakam Qodirov va uning raqibi Xetag Xatkarov o‘rtasidagi jangni to‘xtatib, g‘alabani Checheniston rahbarining o‘g‘liga topshirdi. Eli Qodirovga esa chempionlik kamari topshirildi. Havaskor boksda aslida sportchilarga kamar berilmaydi. Shuningdek, ring-anonser Qodirovni Muhammad Ali deb atadi.
Eslatib o‘tamiz, aprel oyida Ramzan Qodirovning boshqa bir o‘g‘li Adam Qodirovning jangi ko‘plab munozaralarga sabab bo‘lgandi. O‘shanda Adam jangning ikkinchi raundida bir qator zarbalar o‘tkazib yuboradi, o‘zining zarbalari raqibga tegmagan bo‘lsa-da, hakam nokdaun qayd etib, sanoqni boshlaydi. Bu vaqtda raqib bokschining murabbiylari ringga sochiq uloqtiradi va jang to‘xtatilib, Qodirovning g‘alabasi qayd etiladi.
Izoh (0)