Тошкентнинг Аҳмад Дониш кўчасидан ўтувчи бир қатор автобус йўналишлари ҳаракатида 17 ноябргача вақтинчалик тирбандликлар юзага келиши мумкин. Бу ҳақда «Тошшаҳартрансхизмат» матбуот хизмати хабар берди.
Йўл таъмирлаш ишлари олиб борилиши сабабли 7 ноябрь кунидан 17 ноябрь кунига қадар Аҳмад Дониш кўчасининг Амир Темур шоҳкўчаси кесишмасидан Нурафшон кўчасигача бўлган оралиғидаги икки томонлама йўлнинг бир томони қисман вақтинчалик ёпилиши маълум қилинганди.
Шу сабабли «Тошшаҳартрансхизмат» матбуот хизмати келтирилган ноқулайликлар учун узр сўраган ҳолда 5, 43, 51, 82, 83, 123, 124-сонли автобус йўналишларининг ҳаракатида вақтинчалик тирбандликлар юзага келиши мумкинлигидан огоҳлантирди.
Изоҳ (0)