Toshkentda atmosfera havosining chang bilan ifloslanish darajasi pasayishda davom etmoqda.
“O‘zgidromet” monitoring natijalariga ko‘ra, 8-noyabr kuni soat 11:00 da havodagi chang darajasi ruxsat etilgan maksimal qiymatdan oshmadi.
Eslatib o‘tamiz, 4-noyabr kuni Toshkentda chang miqdori ruxsat etilgan me’yordan 5 barobarga, keyinroq mahalliy vaqt bilan soat 21:00 va 23:00 orasida 30 barobargacha ko‘tarilgandi va poytaxt havoning ifloslanish darajasi bo‘yicha dunyoda birinchi o‘ringa chiqdi.
6-noyabr kunduzi havoning isishi atmosferada chang tarkibi sezilarsiz kamayishiga olib keldi, ammo changli g‘ubor butunlay tarqalmadi. 7-noyabr kuni esa havoning ifloslanish darajasi avvalgi kunga nisbatan pasaya boshladi.
Izoh (0)