Serbiyaning Belgrad shahrida boks bo‘yicha Jahon chempionatining 6-kungi bahslari 30-oktabr, shanba kuni bo‘lib o‘tdi.
-48 kg vazn toifasida O‘zbekiston vakili Nodirjon Mirzahmedov irlandiyalik Rikki Nesbittga qarshi ringga ko‘tarildi. Uchala raundda ham Nodirjon ustun keldi va irlandiyalik raqibini 5:0 hisobida mag‘lub etib, keyingi bosqichga yo‘llanmani qo‘lga kiritdi.
Chorak finalda Nodirbek qozog‘iston vakili Temirtas Jussupovga qarshi jang qiladi.
Eslatib o‘tamiz, musobaqaning dastlabki besh kunida o‘n bir nafar o‘zbekistonlik bokschi o‘z jangini o‘tkazdi. Asadxo‘ja Mo‘ydinxo‘jayev, Saidjamshid Ja’farov, Odiljon Aslonov, Shahobiddin Zoirov, Madiyor Saidrahimov, Abdumalik Halokov va Lazizbek Mullajonov raqiblarini yengib, keyingi bosqichga yo‘l olgan bo‘lsa, Hasanboy Do‘stmatov, Shohjahon Abdullayev, Mirazizbek Mirzaxalilov va Shahram G‘iyosov musobaqa bilan erta xayrlashdi.
Izoh (0)