Футбол бўйича Италия А Сериясининг 11-туридан ўрин олган ўйинда «Ювентус» 30 октябрь, шанба куни «Верона»га қарши майдонга тушди.
Веронада ўтган учрашувнинг 11 ва 14-дақиқаларида Жованни Симеоне гол уриб, дублни расмийлаштирди. У биринчи голини чалқанча услубда урди. 80-дақиқада эса Уэстон Маккенни ҳисобни қисқартирди. Аммо бу гол «Ювентус»га ғалаба қозониш ёки ҳисобни тенглаштириш учун етарли бўлмади.
Шу тариқа Массимилиано Аллегри шогирдлари Италия чемпионатида кетма-кет иккинчи, мавсумдаги тўртинчи мағлубиятини қабул қилди.
«Ювентус» мағлубиятдан сўнг 15 очко билан 9-ўринда бормоқда. «Верона» эса очколари сонини 15 тага етказиб, 7-ўринга кўтарилиб олди.
Топ-5 лигалар онлайн жадваллари, ўйинлар тақвими, тўпурарлар рўйхати — кўриш.
А Серия
11-тур баҳслари
30 октябрь, шанба
«Верона» — «Ювентус» 2:1
Голлар: 1:0 – 11 Симеоне, 2:0 – 14 Симеоне, 2:1 – 80 Маккенни.«Верона»: Монтипо, Фараони, Гюнтер, Давидович, Казале (Чеккерини, 67), Лазович (Шутало, 67), Велозу, Тамез (Бесса, 75), Барак, Капрари, Симеоне (Калинич, 83).
«Ювентус»: Шенсни, Данило, Кьеллини, Бонуччи, Алекс Сандро (Пеллегрини, 82), Куадрадо (Кулусевски, 69), Рабьо (Локателли, 57), Бентанкур (Маккенни, 58), Артур (Бернардески, 69), Мората, Дибала.
Огоҳлантиришлар: Лазович (26), Данило (29), Казале (57), Фараони (61), Артур (61), Мората (76), Гюнтер (76).
Изоҳ (0)