Американинг Колорадо штатида ажойиб ҳодиса юз берди. Сайёҳ штатдаги энг баланд Элберт тоғига боришга отланган, аммо йўлда адашиб қолган. Қутқарувчилар бир неча соат давомида эркакни телефон орқали топмоқчи бўлган. Аммо у бегона рақамга жавоб беришни истамагани учун қўнғироқларни эътиборсиз қолдирган.
Таъкидланишича, эркак 18 октябрь куни эрталаб чиқиб кетган. Кечаси тунайдиган жойига қайтмаганидан кейин, маҳаллий қидирув хизматига унинг йўқолгани ҳақида хабар берилган. Сайёҳ билан телефон орқали боғланишнинг иложи бўлмаганидан кейин қутқарувчилар бутун қидирув жамоасини йиғиб, ишга киришган. Кечаси билан давом этган қидирув жараёнидан натижа бўлмаган. Эртаси куни сайёҳнинг ўзи уйга қайтиб келган.
Бу воқеа ҳақида Лейк округининг қидирув хизмати вакиллари томонидан қолдирилган постдан кейин хабар топилган. Қутқарувчилар фойдаланувчилардан эътиборлироқ бўлишни ва бундай вазиятларда бегона рақам қўнғироқларига жавоб беришни сўраган.
Изоҳ (0)