Vest-xaylend-uayt-teryer zotiga mansub Luna laqabli it o‘z sayohatlari sabab Instagram yulduziga aylandi, deb xabar beradi “Korrespondent.net”.

Foto: Instagram / @Luna_Anita_Engadin

Luna olti yoshda. U Shveysariyaning Endagin tumanida yashaydi. It tez-tez Alp tog‘lari bo‘ylab sayr qilib, tog‘ chashmalarida cho‘miladi, quyoshda toblanadi, shuningdek, qadimiy qal’alarga boradi va mamlakat bo‘ylab sayohat qiladi.

Uy hayvonining Instagram ijtimoiy tarmog‘ida akkaunti bor. Uning obunachilari soni 60 mingga yetgan. Itning muxlislar uning turli taassurotlarga boy hayotidan “hasad” qilib, izohlar qoldiradi.

“Bu itdan bor narsaning o‘n foizi ham senda yo‘qligini his qiladigan holat”, “Qanday qilib xasadni bu chatdan chiqarib yuborish mumkin?”, “Hayratlanarli”, “Luna, maroqli hordiq chiqar. Yayra, senga bu hayotda omad kulib boqdi”, deb yozadi teryerning muxlislari.

Lunaga bog‘liq foto va videolarning har biri to‘rt mingga yaqin layk to‘plagan.

Avvalroq ijtimoiy tarmoqlarda egasi bilan qo‘shiq kuylayotgan it mashhurlikka erishgani to‘g‘risida xabar berilgandi.