Futbol bo‘yicha Ispaniya La Ligasining 10-turida “Barselona” va “Real” klublari 24-oktabr, yakshanba kuni o‘zaro to‘qnash keldi.
Uchrashuvning birinchi bo‘limi teng kurashlar ostida o‘tdi va har ikki jamoa vakillari bir qator golga tortadigan vaziyatlar bo‘ldi. 32-daqiqada madridliklar himoyachisi David Alaba o‘zi boshlagan qarshi hujumni chiroyli gol bilan yakunladi.
Ikkinchi bo‘limga qo‘shib berilgan daqiqalarda jamoalar bir martadan gol urishga muvaffaq bo‘ldi: Lukas Vaskes madridliklarning yana bir qarshi hujumini golga aylantirgan bo‘lsa, so‘nggi daqiqada Serxio Aguero hisobni qisqartirdi.
“Real” ochkolarini 20 taga yetkazib olgan holda birinchi o‘ringa ko‘tarildi. “Barselona” 15 ochko bilan 8-pog‘onada bormoqda.
Top-5 ligalar onlayn jadvallari, o‘yinlar taqvimi, to‘purarlar ro‘yxati — ko‘rish.
La Liga
10-tur bahsi
24-oktabr, yakshanba
“Barselona” — “Real Madrid” 1:2
Gollar: 0:1 – 32 Alaba, 0:2 – 90+4 Vaskes, 1:2 – 90+7 Aguero.“Barselona”: ter Shtegen, Mingesa (Koutinyo, 46), Pike, Erik Garsiya, Alba, Buskets, Frenki de Yong (Serxi Roberto, 77), Gavi (Lyuk de Yong, 85), Dest, Depay, Fati (Aguero, 74).
“Real Madrid”: Kurtua, Alaba, Militao, Mendi, Modrich, Kroos, Kazemiro, Vaskes, Benzema, Vinisius Junior (Asensio, 86), Rodrigo (Valverde, 72 (Karvaxal, 90+2).
Ogohlantirishlar: Pike (58), Mendi (80).
Izoh (0)