Futbol bo‘yicha Italiya A Seriyasining 9-turdan o‘rin 0lgan bir qator o‘yinlar 24-oktabr, yakshanba kuni bo‘lib o‘tdi.
Rimda bo‘lib o‘tgan uchrashuvda “Roma” va “Napoli” nursiz durangga imzo chekdi. Shu tariqa Joze Mourinyo shogirdlari “Napoli”ning 8 turdan buyon davom etib kelayotgan g‘alabali seriyasiga chek qo‘ydi. Eldor Shomurodov 86-daqiqada Temmi Abrahamning o‘rniga maydonga tushdi.
Uchrashuvdan so‘ng “Roma” ochkolari sonini 16 taga yetkazib oldi va 4-o‘ringa joylashdi. “Napoli” esa 25 ochko bilan musobaqa peshqadamligini saqlab qoldi.
“Atalanta” so‘nggi daqiqalarda gol o‘tkazib g‘alabani qo‘ldan chiqardi. “Verona” Jovanni Simeone poker qayd etgan bahsda “Latsio”ni yirik hisobda taslim etdi.
Top-5 ligalar onlayn jadvallari, o‘yinlar taqvimi, to‘purarlar ro‘yxati — ko‘rish.
A Seriya
9-tur bahslari
24-oktabr, yakshanba
“Roma” – “Napoli” 0:0
“Roma”: Rui Patrisiu, Karsdorp, Manchini, Rojer, Vinya, Mxitaryan (ash-Shaaravi, 66), Veretu, Kristante, Pellegrini, Zaniolo, Abraham (Eldor Shomurodov, 86).“Napoli”: Ospina, Di Lorenso, Kulibali, Rrahmani, Mariu Rui, Zelinski (Elmaz, 71), Fabian Ruis, Zambo-Angissa, Insinye (Mertens, 81), Politano (Losano, 71), Osimhen.
Ogohlantirishlar: Abraham (30), Veretu (90), Karsdorp (90), Mertens (90), Manchini (90).
Izoh (0)