Janubiy Koreyada mehnat shartnomasi shartlarini buzgan va ish joyidan noqonuniy chiqib ketgan O‘zbekiston fuqarolari mamlakatning immigratsiya xodimlari tomonidan qo‘lga olindi. Bu haqda Tashqi mehnat migratsiyasi agentligi xabar berdi.
Ma’lum qilinishicha, Janubiy Koreyada 5 oylik mavsumiy ishlarda E-8 vizasi bilan vaqtinchalik mehnat faoliyatini amalga oshirish istagida bo‘lgan fuqarolar uchun O‘zbekiston viloyatlarida tanlovlar tashkil etilib, muvaffaqiyatli o‘tganlar ishlash uchun jo‘nab ketgan.
Shartnoma shartlarini buzgan fuqaroga katta miqdordagi jarima qo‘llanishi, Janubiy Koreya hududidan chiqarib yuborilishi kabi huquqiy choralar ko‘rilishi haqida takror va takror ogohlantirilgan.
“Shunga qaramay mehnat shartnomasi shartlarini buzgan va ish joyidan noqonuniy chiqib ketgan fuqarolar Janubiy Koreya immigratsiya xodimlari tomonidan qo‘lga olinib, O‘zbekistonga deportatsiya qilindi”, — deyiladi xabarda.
Avvalroq Rossiyada ishlamoqchi bo‘lgan o‘zbekistonliklarga qurilish sohasida 10 mingta ish o‘rni taklif etilgani to‘g‘risida xabar berilgandi.
Izoh (0)