Жанубий Кореяда меҳнат шартномаси шартларини бузган ва иш жойидан ноқонуний чиқиб кетган Ўзбекистон фуқаролари мамлакатнинг иммиграция ходимлари томонидан қўлга олинди. Бу ҳақда Ташқи меҳнат миграцияси агентлиги хабар берди.
Маълум қилинишича, Жанубий Кореяда 5 ойлик мавсумий ишларда Э-8 визаси билан вақтинчалик меҳнат фаолиятини амалга ошириш истагида бўлган фуқаролар учун Ўзбекистон вилоятларида танловлар ташкил этилиб, муваффақиятли ўтганлар ишлаш учун жўнаб кетган.
Шартнома шартларини бузган фуқарога катта миқдордаги жарима қўлланиши, Жанубий Корея ҳудудидан чиқариб юборилиши каби ҳуқуқий чоралар кўрилиши ҳақида такрор ва такрор огоҳлантирилган.
«Шунга қарамай меҳнат шартномаси шартларини бузган ва иш жойидан ноқонуний чиқиб кетган фуқаролар Жанубий Корея иммиграция ходимлари томонидан қўлга олиниб, Ўзбекистонга депортация қилинди», — дейилади хабарда.
Аввалроқ Россияда ишламоқчи бўлган ўзбекистонликларга қурилиш соҳасида 10 мингта иш ўрни таклиф этилгани тўғрисида хабар берилганди.
Изоҳ (0)