Qashqadaryoda piyoda o‘limiga sababchi bo‘lgan Nexia haydovchisi voqea joyidan yashirindi

Qashqadaryo viloyatida piyodani urib ketgan haydovchi voqea joyidan ketib qoldi, deya xabar bermoqda YHXBB.

Ma’lum bo‘lishicha, 2021-yil 6-oktabr kuni soat 04:30 larda Qarshi—Beshkent avtomobil yo‘lida piyoda bilan bog‘liq yo‘l-transport hodisasi sodir bo‘ldi. YTH oqibatida piyoda o‘z vaqtida ko‘rsatilmagan tibbiy yordam tufayli voqea joyida halok bo‘ldi.

Olib borilgan to‘sib ushlash tadbirlari natijasida ushbu YTHni Nexia avtomobili sodir qilgani aniqlanib, haydovchi ushlangan.

“Yo‘lga birdan odam chiqib qoldi. Mashina yon oynasi bilan urib ketdim. Tushib ikki marta tez yordam chaqirdim. Qo‘rqib ketdim, birinchi marta shunday bo‘ldi”, — deydi haydovchi.

Hozirgi kunda Qarshi shahar IIO FMB tergov bo‘limi tomonidan tergovoldi surishtiruv harakatlari olib borilmoqda.