Қашқадарё вилоятида пиёдани уриб кетган ҳайдовчи воқеа жойидан кетиб қолди, дея хабар бермоқда ЙҲХББ.
Маълум бўлишича, 2021 йил 6 октябрь куни соат 04:30 ларда Қарши—Бешкент автомобиль йўлида пиёда билан боғлиқ йўл-транспорт ҳодисаси содир бўлди. ЙТҲ оқибатида пиёда ўз вақтида кўрсатилмаган тиббий ёрдам туфайли воқеа жойида ҳалок бўлди.
Олиб борилган тўсиб ушлаш тадбирлари натижасида ушбу ЙТҲни Nexia автомобили содир қилгани аниқланиб, ҳайдовчи ушланган.
«Йўлга бирдан одам чиқиб қолди. Машина ён ойнаси билан уриб кетдим. Тушиб икки марта тез ёрдам чақирдим. Қўрқиб кетдим, биринчи марта шундай бўлди», — дейди ҳайдовчи.
Ҳозирги кунда Қарши шаҳар ИИО ФМБ тергов бўлими томонидан терговолди суриштирув ҳаракатлари олиб борилмоқда.
Изоҳ (0)