Amazon asoschisi Jeff Bezos Netflix striming servisi “Kalmar o‘yini” serialini taqdim etgani uchun hurmatini bildirdi, deb xabar beradi “Film.ru”.
“Rid Xestings [Netflix hamasoschisi — tahr.] va Ted Sarandos [kontent rahbari] deyarli har doim keragidek ish tutadi. Ularning internalizatsiya borasidagi strategiyasi (salbiy tashqi effektlarni ularni ichkiga aylantirish orqali bartaraf etish yoki qisqartirish) oson emas, ammo ular buni amalga oshiryapti. Hayratlanarli va ilhomlantiradigan darajada (va men serialni ko‘rishga oshiqyapman)”, — deb yozadi Bezos Twitter’dagi sahifasida.
Ayrim foydalanuvchilarning hisoblashicha, tez orada Bezos va Netflix hamkorlikda loyiha yaratishlarini e’lon qilishi mumkin, ammo u ushbu mish-mishlarga barham bergan: “Yo‘q, shunchaki zavqlanish”.
Janubiy Koreyaning “Kalmar o‘yini” seriali striming platformada 17-sentabr kuni start olgan va o‘shandan buyon dunyoning 90 davlatida eng mashhur loyihalar ro‘yxatiga yetakchilik qilmoqda. Sarandosning ta’kidlashicha, tez orada “O‘yin” “Brijertonlar” va “Vedmak”ni ortda qoldirib, Netflix tarixidagi eng mashhur xitga aylanadi.
Serial sujeti omon qolish haqida bo‘lib, unda moliyaviy muammolarga duch kelgan 456 kishi ishtirok etadi. O‘yinning yutuq mukofoti 38,5 million dollarni tashkil etadi, ammo finalga barcha ham yetib bora olmaydi.
Avvalroq Netflix Britni Spirs haqidagi hujjatli filmning birinchi treylerini taqdim etgani to‘g‘risida xabar berilgandi.
Izoh (0)