Qamchiq dovonining 194-kilometrida Vodiy—Toshkent yo‘nalishida harakatlangan Cobalt rusumli avtomobil ag‘darilib ketdi, deb xabar beradi FVV matbuot xizmati.
Ma’lum qilinishicha, 2-oktabr kuni soat 06:30 larda Cobalt haydovchisi tez harakatlanishi oqibatida boshqaruvni yo‘qotib, yo‘l chetidagi xandaqqa ag‘darilib ketgan.
Bir necha daqiqada voqea joyiga Qamchiq maxsus qidiruv, yong‘in-qutqaruv boshqarmasining qutqaruv guruhi, tez tibbiy yordam shifokorlari, yo‘l-patrul xizmati hamda “Qamchiqavtoyo‘l” ixtisoslashgan yo‘llardan foydalanish unitar korxonasi xodimlari yetib borgan.
YTHga uchragan avtomobil ichidagi haydovchi va ikki nafar yo‘lovchi chiqarib olingan.
Yo‘l-transport hodisasi oqibatida hech kim jarohat olmagan. “Shunday bo‘lsa-da ularga shifokorlar va qutqaruvchilar amaliy va psixologik yordam ko‘rsatdi”, — deyiladi xabarda.
Avvalroq Bo‘stonliqda FVV dam olishga borgan bir guruh fuqarolarni mashinada jarlikka tushib ketishidan qutqarib qolgani, Buxoroda Nexia ag‘darilib, haydovchi va yo‘lovchi mashina tagida qolgani, Qamchiq dovonida Captiva yo‘l chetiga ag‘darilishi oqibatida 5 kishi jarohatlangani to‘g‘risida xabar berilgandi.
Izoh (0)