O‘zbekiston milliy terma jamoasi oktabr oyidagi FIFA kunlaridan foydalanib, yig‘in o‘tkazadi.
Milliy terma jamoa ushbu muddat mobaynida Iordaniya poytaxti Amman shahrida o‘quv-mashg‘ulot yig‘ini o‘tkazadi. Yig‘in davomida Srechko Katanes shogirdlari 9-oktabr kuni Malayziya, 12-oktabrda esa Iordaniya terma jamoasi bilan o‘rtoqlik uchrashuvida maydonga tushadi.
Sloveniyalik mutaxassis mazkur yig‘inga 24 nafar futbolchini jalb qildi.
Darvozabonlar: Eldorbek Suyunov (“Paxtakor”), Valijon Rahimov (“OKMK”), O‘tkir Yusupov (“Navbahor”);
Himoyachilar: Farrux Sayfiyev (“Paxtakor”), Ibrohimxalil Yo‘ldoshev (“Nijniy Novgorod”, Rossiya), Hojiakbar Alijonov (“Paxtakor”), Dilshod Saitov (“Nasaf”), Islomjon Qobilov (“Lokomotiv”), Rustam Ashurmatov (“Gangvon”, Janubiy Koreya), Dostonbek Tursunov (“Chunsin” Xitoy), Husniddin Aliqulov (“Nasaf”), Abdulla Abdullayev (“Bunyodkor”);
Yarim himoyachilar: Odiljon Hamrobekov (“Paxtakor”), Akmal Mozgovoy (“Nasaf”), Otabek Shukurov (“Sharja”, BAA), Oybek Bozorov (“Nasaf”), Dostonbek Hamdamov (“Paxtakor”), Aziz G‘aniyev (“Shabab Al-Ahli”, BAA), Jaloliddin Masharipov (“An-Nassr”, Saudiya Arabistoni);
Hujumchilar: Jasur Yaxshiboyev (“Sheriff”, Moldova), Shahboz Umarov (BATE, Belarus), Eldor Shomurodov (“Roma”, Italiya), Igor Sergeyev (“Tobol”, Qozog‘iston), Husayn Norchayev (“Nasaf”).
Izoh (0)