Liviyaning g‘arbiy sohilida 91 nafar noqonuniy muhojir qutqarib olindi. Bu haqda Birlashgan Millatlar Tashkilotining Qochqinlar bo‘yicha Oliy komissarligiga tayanib, “Korrespondent.net” xabar berdi.
Qayd etilishicha, Efiopiya va Eritreya aholisidan iborat muhojirlar guruhi rezina qayiqda, juda kam oziq-ovqat bilan ikki kun dengizda suzgan. Qutqarib olingach ular Tripoliga olib ketilgan.
Omon qolganlar orasida 12 ayol va to‘rt bola bor. Qutqarilgan muhojirlarga tibbiy yordam ko‘rsatilgan.
Xalqaro migratsiya tashkiloti ma’lumotlariga ko‘ra, 2021-yil holati bo‘yicha 25 285 dan ortiq noqonuniy muhojirlar, jumladan, ayollar va bolalar qutqarilgan, yana yuzlab odamlar markaziy O‘rta Yer dengizi bo‘ylab Liviya qirg‘oqlarida halok bo‘lgan yoki bedarak yo‘qolgan.
Avvalroq Turkiyada noqonuniy muhojirlar o‘tirgan mikroavtobus halokatga uchragani, oqibatda 12 kishi halok bo‘lib, 20 kishi jabrlangani haqida xabar berilgandi. Avariya sababli mikroavtobus ag‘darilib ketib, so‘ng yonib ketgan.
24-iyun kuni esa G‘arbiy Hindiston sohili yaqinida 20 kishining jasadini olib ketayotgan qayiq topilgan.Taxminlarga ko‘ra, ular noqonuniy muhojirlar bo‘lgan, ammo mahalliy politsiyaning aytishicha, qayiq Karib dengizi tashqarisidan kelgan.
Mavzuga doir:
- Foto: AQShning Texas shtatida Gaitidan kelgan minglab muhojirlar to‘plandi. Chegara patrullari ularni kuch bilan tarqatishga urinmoqda
- Litvaning ayni vaqtdagi eng asosiy muammosi — Belarusdan kelayotgan noqonuniy muhojirlar. Ular 39 baravarga ko‘paydi
- Yaman qirg‘oqlari yaqinida 250 dan ortiq muhojir cho‘kib ketdi
- Fotoreportaj: Marokashdan Ispaniyaga oqib kelayotgan muhojirlar
Izoh (0)