Ливиянинг ғарбий соҳилида 91 нафар ноқонуний муҳожир қутқариб олинди. Бу ҳақда Бирлашган Миллатлар Ташкилотининг Қочқинлар бўйича Олий комиссарлигига таяниб, «Korrespondent.net» хабар берди.
Қайд этилишича, Эфиопия ва Эритрея аҳолисидан иборат муҳожирлар гуруҳи резина қайиқда, жуда кам озиқ-овқат билан икки кун денгизда сузган. Қутқариб олингач улар Триполига олиб кетилган.
Омон қолганлар орасида 12 аёл ва тўрт бола бор. Қутқарилган муҳожирларга тиббий ёрдам кўрсатилган.
Халқаро миграция ташкилоти маълумотларига кўра, 2021 йил ҳолати бўйича 25 285 дан ортиқ ноқонуний муҳожирлар, жумладан, аёллар ва болалар қутқарилган, яна юзлаб одамлар марказий Ўрта Ер денгизи бўйлаб Ливия қирғоқларида ҳалок бўлган ёки бедарак йўқолган.
Аввалроқ Туркияда ноқонуний муҳожирлар ўтирган микроавтобус ҳалокатга учрагани, оқибатда 12 киши ҳалок бўлиб, 20 киши жабрлангани ҳақида хабар берилганди. Авария сабабли микроавтобус ағдарилиб кетиб, сўнг ёниб кетган.
24 июнь куни эса Ғарбий Ҳиндистон соҳили яқинида 20 кишининг жасадини олиб кетаётган қайиқ топилган.Тахминларга кўра, улар ноқонуний муҳожирлар бўлган, аммо маҳаллий полициянинг айтишича, қайиқ Кариб денгизи ташқарисидан келган.
Мавзуга доир:
- Фото: АҚШнинг Техас штатида Гаитидан келган минглаб муҳожирлар тўпланди. Чегара патруллари уларни куч билан тарқатишга уринмоқда
- Литванинг айни вақтдаги энг асосий муаммоси — Беларусдан келаётган ноқонуний муҳожирлар. Улар 39 бараварга кўпайди
- Яман қирғоқлари яқинида 250 дан ортиқ муҳожир чўкиб кетди
- Фоторепортаж: Марокашдан Испанияга оқиб келаётган муҳожирлар
Изоҳ (0)