FVV Toshkent viloyatining Bo‘stonliq tumanida odamlar bo‘lgan mashinani jar yoqasidan qutqardi. Bu haqda vazirlik matbuot xizmati xabar berdi.
Ma’lum bo‘lishicha, 26-sentabr kuni bir guruh fuqarolar Bo‘stonliq tumaniga dam olish maqsadida borgan. Uyga qaytayotgan vaqtda avtomobil haydovchisi kutilmaganda boshqaruvni yo‘qotgan va avtotransport jarlik tomon harakatlanib, qiyalikda turib qolgan.
Ushbu holat yuzasidan Toshkent viloyati Favqulodda vaziyatlar boshqarmasi Chimyon yong‘in-qutqaruv otryadiga xabar kelib tushgan. Xabarga ko‘ra, otryad qutqaruvchilari voqea joyiga yetib borib, fuqarolarga zarur amaliy yordam ko‘rsatgan va qiyalikdagi avtomobil yuqoriga olib chiqilgan.
Qayd etilishicha, vaziyat oqibatida jabrlangan va halok bo‘lganlar yo‘q.
Mavzuga doir:
- Namanganda kanalga tushib ketgan Nexia va uning haydovchisi qutqarildi
- Qamchiq dovonida ehtiyotsizligi oqibatida pastlikka tushib ketgan Nexia yo‘lovchisi qutqarildi
- Chirchiq daryosi o‘rtasidagi orolchada qolib ketgan besh kishi qutqarildi
- Chimyonda baland cho‘qqiga chiqib, tusholmay qolganlar qutqarildi
Izoh (0)