ФВВ Тошкент вилоятининг Бўстонлиқ туманида одамлар бўлган машинани жар ёқасидан қутқарди. Бу ҳақда вазирлик матбуот хизмати хабар берди.
Маълум бўлишича, 26 сентябрь куни бир гуруҳ фуқаролар Бўстонлиқ туманига дам олиш мақсадида борган. Уйга қайтаётган вақтда автомобиль ҳайдовчиси кутилмаганда бошқарувни йўқотган ва автотранспорт жарлик томон ҳаракатланиб, қияликда туриб қолган.
Ушбу ҳолат юзасидан Тошкент вилояти Фавқулодда вазиятлар бошқармаси Чимён ёнғин-қутқарув отрядига хабар келиб тушган. Хабарга кўра, отряд қутқарувчилари воқеа жойига етиб бориб, фуқароларга зарур амалий ёрдам кўрсатган ва қияликдаги автомобиль юқорига олиб чиқилган.
Қайд этилишича, вазият оқибатида жабрланган ва ҳалок бўлганлар йўқ.
Изоҳ (0)