O‘zbekistonda 2021-yilning sentabr oyida iste’mol sektoridagi tovarlar va xizmatlar o‘rtacha 1,1 foizga qimmatlashdi. Bu haqda Davlat statistika qo‘mitasi ma’lum qildi.
Qayd etilishicha, 2021-yil boshidan iste’mol sektorida narxlarning o‘sish darajasi 5,9 foizni, o‘rtacha oylik o‘sish darajasi esa 0,6 foizni tashkil etgan.
Yillik o‘sishda iste’mol narxlari indeksining o‘sish darajasi 10,8 foizga yetdi. 2021-yil sentabr oyidagi qisqa muddatli umumiy iste’mol narxlari indeksi (INI) 2020-yilning sentabr oyidagi ko‘rsatkichdan 0,3 foiz bandga, 2019-yilning sentabr oyidagi mos ko‘rsatkichdan esa 0,2 foiz bandga past bo‘ldi.
2021-yil sentabr oyidagi yillik umumiy INI (2020-yilning mos oyiga nisbatan) 2020-yilning sentabr oyidagi ko‘rsatkichdan 0,9 foiz bandga va 2019-yilning sentabr oyidagi ko‘rsatkichdan 5,2 foiz bandga past bo‘ldi.
2021-yilning yanvar—sentabrida ushbu ko‘rsatkich (2020-yilning dekabriga nisbatan) 2020-yilgi mos ko‘rsatkichdan 0,4 foiz bandga va 2019-yil sentabr oyidagi mos ko‘rsatkichdan 3,8 foiz bandga past bo‘ldi.
2021-yilning dastlabki 9 oyi davomida oziq-ovqat mahsulotlari narxlar oshishi bo‘yicha yetakchilikni ushlab turishda davom etmoqda (6,7 foiz). Nooziq-ovqat mahsulotlari ushbu davrda 4,9 foizga, xizmatlar — 6,1 foizga qimmatlashgan.
2020-yilining sentabrida ham uchta asosiy guruhlar orasida yil boshidan narxlar oshishi bo‘yicha yetakchilik oziq-ovqat mahsulotlariga (7,5 foiz) tegishli bo‘lgan bo‘lsa, 2019-yilning sentabrida esa yetakchi o‘rin xizmatlarga (13,7 foiz) tegishli bo‘lgan.
Izoh (0)