Qashqadaryoda YPX avtomobili ishtirokida yo‘l-transport hodisasi sodir bo‘ldi, deya xabar bermoqda YHXBB matbuot xizmati.
Qayd etilishicha, 2021-yilning 30-sentabr kuni soat 12:30 larda Qashqadaryo viloyati, G‘uzor tumani, O‘zbekiston ko‘chasida joylashgan “Alpomish” savdo do‘koni ro‘parasida haydovchi, 1995-yilda tug‘ilgan E.D. boshqaruvidagi Damas rusumli hamda YPX xodimi Sh.Niyozov boshqaruvida bo‘lgan Lacetti avtomobil ishtirokida YTH sodir bo‘lgan.
To‘qnashuv oqibatida tan jarohati olganlar yo‘q. Transport vositalariga zarar yetgan.
Mazkur YTH yuzasidan G‘uzor tumani prokuraturasi tomonidan surishtiruv harakatlari olib borilmoqda.
Bundan avval Samarqandda o‘g‘liga jarima belgilagan YPX xodimini haqorat qilib, unga tosh otgan ota 15 sutkaga qamalgani, Qashqadaryoda harakatlanayotgan Damas qisqa tutashuv sabab yonib ketgani hamda Toshkentda tez yordam mashinasi YTHga uchragani haqida xabar berilgandi.
Izoh (0)