Ijtimoiy tarmoqlarda Toshkent shahri Olmazor tumani “Sokin soy” kafesi yaqinida bir necha kishi va haydovchi o‘rtasida kelishmovchilik videosi tarqaldi. Mazkur holat bo‘yicha Toshkent shahar IIBB axborot xizmati ma’lumot berdi.
Qayd etilishicha, 2021-yil 21-sentabr kuni Olmazor tumani Toshkent halqa avtomobil yo‘lida 30 yoshli F.I. Spark rusumli avtomobilni boshqarish davomida yo‘l chetida to‘xtagan. So‘ng bir nechta noma’lum shaxslar kelib, haydovchi yo‘l harakati qoidabuzarliklarini qayd etib, ichki ishlar organlariga jo‘natmoqchi deb o‘ylab, u bilan janjal boshlagan.
Holat Olmazor tumani IIO FMB 1-sonli ichki ishlar bo‘limida qayd etildi. Hozirgi vaqtda ichki ishlar organlari xodimlari tomonidan noma’lum kishilarning shaxslarini aniqlashga qaratilgan tadbirlar olib borilmoqda. Ularning xatti-harakatlariga huquqiy baho berilib, qonuniy chora ko‘rilishi ma’lum qilingan.
Izoh (0)