Sirdaryo viloyati IIB ijtimoiy tarmoqlarda qimmatbaho buyumlardan iborat xazina topib olingani tasvirlangan videoni tarqatgan erkak bo‘yicha ma’lumot berdi.
Ijtimoiy tarmoqlarda Sirdaryo tumani “Navro‘z” mahallasida qurilish olib borayotgan ustalar tomonidan 16 metr chuqurlikda qiymati 97 million dollarlik qadimiy buyumlar topib olingani haqida video tarqaldi.
Sirdaryo viloyati IIB axborot xizmati xabariga ko‘ra, holat bo‘yicha IIB mas’ul xodimlari tomonidan surishtiruv olib borilgan. Aniqlanishicha, “Navro‘z” mahallasida yashovchi Yu.A akkauntiga obunachilar yig‘ish maqsadida yolg‘ondan temirdan yasalgan buyumlarni tilla rangga bo‘yab chiqqan va bu bo‘yicha video tasvirga olib, ijtimoiy tarmoqlarga joylagan.
Keyinroq ijtimoiy tarmoq foydalanuvchisi obunachilarini ko‘paytirish maqsadida yolg‘on xabar tarqatganini aytib, uzr so‘rab chiqqan.
Viloyat IIB ijtimoiy tarmoq foydalanuvchilariga aholi o‘rtasida yolg‘on ma’lumot tarqatganlik uchun javobgarlik mavjudligini eslatib o‘tgan.
Avvalroq So‘x tumanidagi ziyoratgohdan 1 kiloga yaqin tilla tangalar topilgani haqidagi xabarga aniqlik kiritilgandi.
Izoh (0)