Futbol bo‘yicha La Liga 5-turining so‘nggi o‘yinida “Barselona” 20-sentabr, dushanba kuni “Granada”ni qabul qildi.
“Kamp Nou”da o‘tgan o‘yin tezkor gol bilan boshlandi. 2-daqiqada mehmonlar himoyachisi Domingush Duarte hisobni ochishga muvaffaq bo‘ldi. Ushbu hisob o‘yinning katta qismi davomida saqlanib turdi. Faqatgina uchrashuvning so‘nggi daqiqasida Ronald Arauxo muvozanatni tikladi va “Barselona”ni mag‘lubiyatdan qutqarib qoldi. Urugvaylik himoyachi ushbu vaziyatda ikkinchi qavatdan oshirilgan to‘pni boshi bilan darvozaga joylab qo‘ydi.
Uchrashuvdagi gollar videosini bu yerda tomosha qilish mumkin — havola.
La Liga
5-tur bahsi
20-sentabr, dushanba
“Barselona” — “Granada” 1:1
Gollar: 0:1 – 2 Duarte, 1:1 – 90 Arauxo.“Barselona” – ter Stegen, Dest, Erik Garsiya, Arauxo, Balde (Mingesa, 42), Buskets (Puch, 74), de Yong, Serji Roberto (de Yong, 46), Demir (Pike, 75), Depay, Koutinyo (Gavi, 60).
“Granada” – Luish Mashimianu, Kini, Duarte, Abram (Herman Sanches, 78), Eskudero (Neva, 46), Puertas (Gonalon, 67), Monchu, Eteki (Montoro, 30), Milya, Machis, Molina (Suares, 67).
Ogohlantirishlar: Montoro (40), Gonalon (71), Mingesa (77), Luish Mashimianu (86), Monchu (87), Arauxo (88), Kini (88), Bakka (90), Pike (90).
Izoh (0)