Россиянинг Пермь давлат университетига қуролланган талаба ҳужум қилгани ҳақида хабар берилганди. Ўзбекистон Ташқи ишлар вазирлиги расмий вакили Юсуф Кабулжонов маълумот берди.
Расмий вакилнинг маълум қилишича, Пермь давлат миллий тадқиқот университетида рўй берган отишмада жароҳатланган ва ҳалок бўлганлар орасида Ўзбекистон фуқаролари қайд этилмаган.
Вазият Ўзбекистоннинг Қозон шаҳридаги Бош консулхонаси томонидан назоратга олинган.
Эслатиб ўтамиз, 20 сентябрь куни эрталаб Россиянинг Пермь давлат миллий тадқиқот университетига қуролланган шахс ҳужум қилди. Тергов қўмитаси хабарига кўра, отишмада саккиз киши ҳалок бўлган. Университетга ҳужум қилган шахс – 18 ёшли Тимур Бекмансуров қўлга олинган.
Изоҳ (0)