2020/2021-o‘quv yili boshida umumta’lim muassasalarining 1-sinfiga qabul qilingan o‘quvchilar soni 649,1 ming nafarni tashkil etgan. Bu haqda Davlat statistika qo‘mitasi xabar berdi.
Ma’lum qilinishicha, 2015/2016-o‘quv yili boshida 622,5 ming nafar o‘quvchi 1-sinfga qabul qilingan. 2020/2021-o‘quv yilida esa ushbu ko‘rsatkich, 649,1 ming nafarni tashkil etgan.
Ta’kidlanishicha, bunda jismoniy yoki ruhiy rivojlanishida nuqsoni bo‘lgan o‘quvchilar hisobga olinmagan.
Avvalroq Xalq ta’limi vazirligi 6-sentabr kuni O‘zbekistondagi 10 083 ta umumta’lim maktabida an’anaviy shaklda darslar boshlangani, bu yil maktablarning 1-sinfiga 600 mingga yaqin bola qabul qilinib, ularga 12 turdagi o‘quv qurollari, maktab sumkasi, darsliklar majmuasidan iborat Prezident sovg‘alari topshirilgani to‘g‘risida xabar berilgandi.
Izoh (0)