2020/2021-ўқув йили бошида умумтаълим муассасаларининг 1-синфига қабул қилинган ўқувчилар сони 649,1 минг нафарни ташкил этган. Бу ҳақда Давлат статистика қўмитаси хабар берди.
Маълум қилинишича, 2015/2016-ўқув йили бошида 622,5 минг нафар ўқувчи 1-синфга қабул қилинган. 2020/2021-ўқув йилида эса ушбу кўрсаткич, 649,1 минг нафарни ташкил этган.
Таъкидланишича, бунда жисмоний ёки руҳий ривожланишида нуқсони бўлган ўқувчилар ҳисобга олинмаган.
Аввалроқ Халқ таълими вазирлиги 6 сентябрь куни Ўзбекистондаги 10 083 та умумтаълим мактабида анъанавий шаклда дарслар бошлангани, бу йил мактабларнинг 1-синфига 600 мингга яқин бола қабул қилиниб, уларга 12 турдаги ўқув қуроллари, мактаб сумкаси, дарсликлар мажмуасидан иборат Президент совғалари топширилгани тўғрисида хабар берилганди.
Изоҳ (0)