Ijtimoiy tarmoqlarda Chirchiqdagi sobiq “Chirchikstroy” mehmonxonasi binosi buzilishi haqida xabarlar tarqalgan edi. Shahar hokimligi axborot xizmati xabarlar yuzasidan munosabat bildirdi.
Qayd etilishicha, mazkur obyektni buzish yoki qayta qurish yuzasidan hozirgi kunga qadar hech qanday rasmiy hujjat qabul qilinmagan.
Prezidentning 2021-yil 29-apreldagi “Boksni yanada rivojlantirish chora-tadbirlari to‘g‘risida”gi qaroriga asosan, Chirchiq shahar, “Zakovat” ko‘chasi, 2- uyda joylashgan, sobiq Sanoat-iqtisodiyot kasb-hunar kolleji binosi, shuningdek, sport inshooti va yonidagi sport maydoni Boks federatsiyasi tomonidan investitsiya majburiyati asosida sotib olishga rozilik berilgan.
“Ushbu hududda zamonaviy boks maktabiga asos solinadi hamda bu yerda kelgusida professional bokschilarni tarbiyalash ko‘zda tutilmoqda”, – deyiladi xabarda.
Mavzuga doir:
- Avtomobil monopoliyasiga atalgan Toshkentdagi strit-art to‘liq o‘chirildi. Poytaxt hokimligi va “O‘zavtosanoat” bu ishga aloqasi yo‘qligini ma’lum qildi
- Chilonzor tumani hokimligi xodimlari uchun qariyb 1 mlrd so‘mlik oshxona qurish taklif qilindi
- Toshkentda Prezident tashrifi arafasida qurilgan yangi bolalar maydonchasi buzilayotgani to‘g‘risida tarqalgan xabarlar rad etildi
Izoh (0)