Internetda Apple’ning daktiloskopik sensorga ega hozirga qadar noma’lum bo‘lgan smartfoni suratlari paydo bo‘ldi. Mazkur tasvirlarni Majin Bu ismli insayder o‘zining Twitter’dagi sahifasida e’lon qilgan, deb xabar beradi “Korrespondent.net”.
Foto: Twitter / @MajinBuOfficial
Suratda Touch ID’ga ega iPhone 4s smartfoni tasvirlangan.
“Shu orqali Stiv Jobs Apple keyingi yillarda iPhone 5s’ga joriy etiladigan barmoq izi skaneridan boxabar bo‘lgan”, — deya ta’kidlaydi Majin Bu.
Foto: Twitter / @MajinBuOfficial
Uning so‘zlariga ko‘ra, devaysning bir nechta prototipi bo‘lgan. Xususan, smartfonlarning bir qismi iOS’da, yana bir qismi esa testdan o‘tkazilgan SwitchBoard operatsion tizimida ishlagan.
Foto: Twitter / @MajinBuOfficial
Ma’lumki, Home tugmasiga ega iPhone 4s 2011-yilda ishlab chiqarilgan. U raqamli parol orqali himoyalanish funksiyaga ega bo‘lgan. Apple gadjetlarida daktiloskopik sensor oradan ikki yil o‘tgach — iPhone 5s chiqishi bilan paydo bo‘lgan.
Avvalroq internetda iPhone 13 Pro’ning quvvatlantirish “razyom”isiz tasvirlangan suratlari tarqalgan, Apple kompaniyasi iPhone 13 modellari taqchil bo‘lishidan ogohlantirgan edi.
