Интернетда Apple’нинг дактилоскопик сенсорга эга ҳозирга қадар номаълум бўлган смартфони суратлари пайдо бўлди. Мазкур тасвирларни Мажин Бу исмли инсайдер ўзининг Twitter’даги саҳифасида эълон қилган, деб хабар беради «Korrespondent.net».
Суратда Touch ID’га эга iPhone 4s смартфони тасвирланган.
«Шу орқали Стив Жобс Apple кейинги йилларда iPhone 5s’га жорий этиладиган бармоқ изи сканеридан бохабар бўлган», — дея таъкидлайди Мажин Бу.
Унинг сўзларига кўра, девайснинг бир нечта прототипи бўлган. Хусусан, смартфонларнинг бир қисми iOS’да, яна бир қисми эса тестдан ўтказилган SwitchBoard операцион тизимида ишлаган.
Маълумки, Home тугмасига эга iPhone 4с 2011 йилда ишлаб чиқарилган. У рақамли пароль орқали ҳимояланиш функцияга эга бўлган. Apple гаджетларида дактилоскопик сенсор орадан икки йил ўтгач — iPhone 5s чиқиши билан пайдо бўлган.
Аввалроқ интернетда iPhone 13 Pro’нинг қувватлантириш «разём»исиз тасвирланган суратлари тарқалган, Apple компанияси iPhone 13 моделлари тақчил бўлишидан огоҳлантирган эди.
Изоҳ (0)