Baseus assortimenti ko‘plab gadjet foydalanuvchilariga qo‘l kelishi mumkin bo‘lgan qurilma bilan to‘ldirildi. Kompaniya muhandislari bitta korpusga quvvati 87 vattga teng galliy nitridli quvvatlantirish bloki va sig‘imi 10 ming mA/soatga teng mobil akkumulyatorni joylashtirgan, deb xabar beradi IXBT.
Gadjetlarni quvvatlantirish uchun ikkita port mavjud: USB Type-A va USB Type-C. Ularning birinchisi 22,5 vattni, ikkinchisi esa 65 vattni taqdim etadi. Shunga mos ravishda USB-C’dan nafaqat smartfon va planshetlarni, balki noutbuklarni ham quvvatlantirish mumkin. Masalan, MacBook Pro 30 daqiqa ichida 39 foiz quvvat oladi.
Mobil akkumulyatorlar bilan ishlash vaqtida USB-C portining quvvati sezilarli darajada pasayadi: undan maksimum 20 vatt olish mumkin. Chiquvchi USB Type-A porti quvvati o‘zgarmaydi va 22,5 vattni tashkil etgancha qoladi.
Qurilma quvvat akkumulyatori indikatori va qayriluvchi “vilka” bilan jihozlangan, shuningdek, uning jamlanmasidan 100 vattli quvvat uzatishni ta’minlovchi USB-C quvvatlantirish kabeli o‘rin olgan. Hozirda yangi qurilma kollektiv moliyalashtirish platformasiga joylashtirilgan bo‘lib, uning narxi 28 dollarni tashkil etmoqda. Chakana savdoda narxi 31 dollarga yetadi.
Avvalroq Lenovo noutbuklar uchun mo‘ljallangan simsiz quvvatlantirgichini taqdim etgani to‘g‘risida xabar berilgandi.
Izoh (0)