Samsung kompaniyasi Galaxy Z Fold’ga o‘xshash, biroq undan farqli ravishda ikki joyidan buklanadigan dizaynga ega smartfonni taqdim etdi, deb xabar beradi Hi-Tech.Mail.ru.
Yangi qurilmada ikkitalik sharnir texnologiyasidan foydalanilgan bo‘lib, uning yordamida smartfon ham ichki, ham tashqi tomonga bir nechta joyidan buklana oladi.
Kompaniya tomonidan e’lon qilingan videoda texnologiyaning amalda ishlashi namoyish etilmagan. Buning o‘rniga asosiy e’tibor foydalanuvchilar 7,2 dyuymli OLED-ekrandan kutishi mumkin bo‘lgan funksionallikka qaratilgan.
Ekranlarni to‘liq ochish orqali yagona tasvirni planshet sifatida tomosha qilish yoki ko‘p vazifali funksiyada kontentlarni ajratish mumkin.
Namoyish etilgan prototipda asosiy ekranning chap tomonidan ikkitalik kamera massivini, yuqori qismida o‘chirib-yoqish tugmasi va USB-portni ko‘rish mumkin. Qolgan texnik tavsiflari, protsessor va xotirasi oshkor etilmagan. Shunga qaramay yangi gadjet kelajakda buklanadigan Samsung qurilmalarini kutayotgan o‘zgarishlarni ochiq-oydin ko‘rsatib bergan.
Eslatib o‘tamiz, avgust o‘rtalarida Samsung egiluvchan ekranga ega yangi smartfoni — “raskladushka” va “kitobcha”ni taqdim etgandi.
Izoh (0)