O‘zbekiston Prezidentining Afg‘oniston bo‘yicha maxsus vakili Ismatulla Irgashev 2021-yilning 30-avgust kuni Turkiyaning favqulodda va muxtor elchisi Olgan Bekar bilan uchrashuv o‘tkazdi.
Muloqotda tomonlar Afg‘oniston yo‘nalishidagi ikki mamlakat hamkorligini kengaytirishga qaratilgan sa’y-harakatlarni, xususan, Afg‘onistonda uzoq muddatli va barqaror tinchlikni o‘rnatishdagi o‘zaro sa’y-harakatlarni muhokama qildi.
Shuningdek, Afg‘onistondagi vaziyat va bu mamlakatda siyosiy tinchlik jarayonini ilgari surish borasida atroflicha fikr almashildi.
Bundan avval O‘zbekiston TIV “Tolibon”dan qochgan afg‘onlar uchun chegara ochilishini rad etgani, Abdulaziz Komilov Toshkentda Germaniya tashqi ishlar vaziri bilan uchrashuv o‘tkazgani hamda O‘zbekiston Tashqi ishlar vazirligi Kobuldagi portlashlar bo‘yicha bayonot bergani haqida xabar berilgandi.
Izoh (0)