Netflix компанияси ўйинлар бозорига кириш ҳақидаги режасини эълон қилиб, буни мобил ўйинлар орқали бошлашини билдирди. Ҳозирда компания Польшадаги фойдаланувчилар ўртасида ўйинларни синовдан ўтказишни бошлаган, деб хабар беради IXBT.
Netflix’нинг Польшадаги бўлинмасини Twitter саҳифасида стриминг сервиснинг мамлакатдаги Android фойдаланувчилари учун иккита мобил ўйин — Stranger Things 1984 ва Stranger Things 3 таклиф этилаётгани тўғрисида хабар пайдо бўлган.
Изоҳларга кўра, ўйинлар Netflix обунаси доирасида тақдим этилмоқда, қўшимча тўлов талаб этилмаяпти, реклама қўшилмаган ва виртуал харидлар йўқ.
Умуман олганда, таклиф этилаётган ўйинларни бир неча йиллардан исталган инсон ўйнаши мумкин, улар «Жуда ғалати ишлар»нинг иккинчи ва учинчи мавсумлари учун Netflix билан шерикликда яратилган. Ўйинлар трансляция қилинмай, бевосита мобил қурилмага юкланади. Google Play Store орқали ўрнатишга мўлжалланган.
Эслатиб ўтамиз, 2021 йилнинг мартида Netflix мобил дастурида қисқа кулгили видеоларга эга TikTok муқобили ишга туширилганди. Бўлим «Дарров кулги» (Fast Laughs) номини олган. TikTok’дан фарқли ўлароқ, фойдаланувчилар у ерга ўзларининг шахсий роликларини юклай олмайди — лента фақат Netflix контентини кўрсатади.
Изоҳ (0)