Farg‘ona viloyati Quvasoy shahrida fuqaroga 10 sotix yer maydoni olib berishni va’da qilgan firibgar ushlandi, deya xabar bermoqda Bosh prokuratura huzuridagi Departament matbuot xizmati.
Qayd etilishicha, Departament hamda DXXning Quvasoy shahar bo‘limlari tomonidan o‘tkazilgan tezkor tadbirda fuqaro X.A. aslida zaxirada bo‘lgan “Pakana” MFY hududida joylashgan 10 sotix yer maydonini boshqa bir fuqaro O.ga firibgarlik yo‘li bilan 5500 AQSh dollariga sotishga kelishib, keyinchalik hujjatlarni uning nomiga rasmiylashtirib berishini aytib, oldindan 2500 AQSh dollarini olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilib, tergov harakatlari o‘tkazilmoqda.
Bundan avval Qashqadaryoda firibgarlik jinoyatini sodir etib, javobgarlikdan qochib yurgan kosonlik fuqaro Dehqonobodda qo‘lga olingani, Toshkentda fuqaroni Qirg‘izistonga o‘qishga kiritib, uni Toshkentdagi farmatsevtika institutiga ko‘chirib berish uchun 3,5 ming dollar so‘ragan shaxs ushlangani hamda Buxoroda ko‘p qavatli uy-joy qurish uchun yer maydoni ajratish evaziga 10 ming dollar talab qilgan shaxs qo‘lga olingani haqida xabar berilgandi.
Izoh (0)