Pandemiya davrida Rossiya hududida qolib ketgan O‘zbekiston fuqarolarini vatanga olib kelish maqsadida “O‘zbekiston temir yo‘llari” AJ maxsus reyslarni yo‘lga qo‘ymoqda, deb xabar beradi Tashqi mehnat migratsiyasi agentligi.
Xususan:
- 27-avgust kuni soat 20:57 da 483-sonli yo‘lovchi poyezdi Voljskiy—Toshkent yo‘nalishida;
- 30-avgust kuni soat 12:35 da 446-sonli yo‘lovchi poyezdi Tolyatti—Toshkent yo‘nalishida harakatini amalga oshiradi.
Rossiyadagi O‘zbekiston fuqarolarining yaqinlari mamlakatda turib, ularning shaxsini tasdiqlovchi hujjati nusxasi bilan e-ticket.railway.uz veb-sayti orqali chiptalarni elektron tarzda xarid qilib, jo‘natishlari ham mumkin.
Qo‘shimcha ma’lumotlarni 1005 qisqa telefon raqami yoki joylardagi temiryo‘l kassalaridan olish mumkin.
Bundan avval O‘zbekiston Rossiyadan temiryo‘l qatnovini tiklashni so‘ragani, Toshkent—Qarshi poyezdi 22-iyundan boshlab Shahrisabzgacha qatnashi hamda Rossiyada majburiy mehnatdan qochib, ikki oyog‘idan ajralgan O‘zbekiston fuqarosiga yordam ko‘rsatilgani haqida xabar berilgandi.
Izoh (0)